Kom á Háskúlan í Nesvík saman við øðrum ungum og ver partur av einum góðum felagsskapi. Skúlaskeiðið er í 18 vikur og er til tín, sum vilt fara djúpri á tíni trúarferð við spennandi upplivingum, ríkum løtum og uppbyggjandi samfelagi við Gud.
Ver partur av einum mennandi umhvørvi, har hugni og uppbygging sameinast burtur frá gerandisdegnum. Ítrottur, sangur, avslapping, kaffiprát og felags túrar runt í landinum verður eisini partur av skúlalívinum. Vit búgva á skúlanum í Nesvík, ið bæði er friðsælt og fult av møguleikum við ítróttarhøll, fótbóltsvølli og stórum hyli beint við sjóvarmálan.
Partur av skúlaskeiðinum er at fara eina uttanlandsferð saman við felagsskapinum Tæn Afrika til Etiopia. Vit vitja verkætlanir hjá felagsskapinum, uppliva søgulig støð og vera saman við ungum úr skjótt vaksandi Mekane Yesus kirkjuni o.a
Tá ið nógv hendir hvønn dag, so er neyðugt við stillari tíð, sum er tín tíð saman við Guði. Eitt bønar- og rekreatiónsrúm verður á skúlanum, har til ber at vera í kvirru fyri seg sjálvan.
Kreativa ”rúmið” verður partur av skúlalívinum, har kreativa sinnið sleppur at útfolda seg. Vit fara eisini túrar í náttúruvakra nærumhvørvinum við perlum sum Tjørnuvík, Saksun og Gjógv sum liggja tætt við, og aðrastaðni kring landið.
Í Nesvík er spildurnýggj ítrottarhøll við alskyns møguleikum, sum fótbólt, hondbólt, hockey, flogbólt og fimleik, har vit fara at nýta nógvar góðar løtur saman. Harafturat er uttandura vøllur og hylur við bátum.
Saman við bestu undirvísarunum í Føroyum og onkrum gestum úr útlandinum kemur tú at hava hesi fak:
Hygg nærri at ferðini hjá einum lærusveini, og læra hvat tað í grundini merkir at fylgja Jesusi í okkara samtíð.
Undirvísari: Bergur D. Joensen, gudfrøðingur
Kanna teir djúpu spurningarnar um hvør menniskjan er út frá einum kristnum sjónarhorni. Hvør eri eg, hvussu hvíli eg í mær sjálvum og hvussu er mín trúgv við til at mynda mín samleika?
Undirvísari: Lív Brúsá, sálarfrøðingur og samskipari av Liv Lívið
Ofta tosa vit um kristin virðir sum kærleika og sannleika, men hvat meina vit veruliga við, tá ið vit tosa um grundleggjandi virðir og hvussu menna vit tey?
Undirvísari: Olga Magnussen, sjúkrarøktarfrøðingur og master í narkotika og alkoholindsatser
Kom á ferð ígjøgnum stóru søguna í Bíbliuni, har vit uppdaga samanhangir og reyðu træðrirnar, sum knýta skriftina saman frá Gamla til Nýggja Testamenti.
Undirvísari: Jákup E. Petersen, gudfrøðingur
Takla teir torføru spurningarnar í kristnu trúnni og lívsáskoðanini við erligheit og innliti, so tín trúgv verður sterkari.
Undirvísari: Jonhard Jógvansson, gudfrøðingur
Fá íblástur til at liva missionalt við at læra meira um Guds hjarta fyri heiminum og okkara leikluti í hansara missión.
Undirvísari: Elisabeth Poulsen, trúboðari og stovnari av Tæn Afrika
Grava djúpri í 1.-3. Jóhannesarbrævi við fokus á kærleikan til Gud og næstan sum kjarnan í kristnu trúnni.
Undirvísari: Sverri Steinhólm, gudfrøðingur
Gud hevur SKAPT teg einastandandi til nakað ávíst! Men ivast tú í, hvat hetta ávísa er í tínum lívi? Hvørjar náðigávur tú hevur, ella hvar tú skalt tæna? So kann hetta fakið hjálpa tær at finna svarið.
Undirvísari: Derhard Jógvansson, gudfrøðingur
Lær hvussu tú integrerar tína trúgv í allar partar av tínum lívi, so tín gerandisdagur avspeglar tína kristnu sannføring.
Undirvísari: Ymsir undirvísarar
Vit fara í dýpdina við trúarlæru og kanna grundleggjandi trúarspurningar fyri at styrkja forstáilsi av okkara trúgv.
Undirvísari: Øssur Kjølbro, gudfrøðingur
Hvussu ávirka talgildir miðlar, vitlíki, og sosialir miðlar okkara uppfatan, atferð og mentan í nútíðar samfelagnum? Hvørjar eru avbjóðingarnar og møguleikarnir – og hvat liggur fyri framman?
Undirvísarar: Jákup Brúsá, serfrøðingur innan talgildar miðlar, og Carsten Fonsdal Mikkelsen, trúboðari og miðlafólk
Fyri at skilja nútíðina, má ein skilja fortíðina, verður sagt. Tí fara vit eisini at kaga aftur í tíð og hyggja at teimum mest áhugaverdu og týdningarmiklu hendingunum í kirkjusøguni.
Undirvísari: Tummas Kannuberg, gudfrøðingur
Týdningarmesti byggisteinurin er Bíblian. Hvønn morgun verður ein uppbyggilig løta, har vit fara ígjøgnum kendastu bíbliusøgurnar og vita, hvat tær kunnu læra okkum í dag.
At vera virkin hevur týdning, og tí fara vit at tæna, har vit kunnu gera mun. Tænasta á skúlanum dagliga, tænasta í nærumhvørvinum vikuliga og tænasta runt landið, har vit vitja.
Vit vilja gjarna sum kristin vaksa saman við Jesusi og læra at verða leidd av Heilagum Anda. Øll fáa bjóða ein mentor, sum eru roynd kristin, ið vilja lurta og práta um lívið. Undirvísingin kemur eisini at læra teg nógv um kristna lívið, trúnna og kallið.
Melda teg til bíbliuháskúla, sum byrjar 12. august 2024. Freistin at søkja er 2. apríl.
